Mai Aksar Tere Sheher Se Hokar Gujarta Hoon

Mai aksar tere sheher se ho kar gujarta hoon,

Aur teri yaadon ke paani mein doob jata hoon,

Har nazar mein dekhta hoon tere kaajal ka rang,

Har laali mein muskaan teri dundata hoon,

Mai aksar tere sheher se ho kar gujarta hoon

 

 

Pal vo saare saamne aa jaate hain,

Saath li thi jo khaamoshiyan chaa jaatein hain,

Badi hassen thi vo hasrate humaari baatein, mulaakatein,

Aur inhi sab ko fir se jeene ke lie,

Mai aksar tere sheher se hokar gujarta hoon

 

Sochta hoon ke parai hai ab
Ke mera naam uske liye sirf duhai hai ab

Janta hoon mai ke vo kabhi nahi aegi,

Fir bhi na jaane kyun yahin khada hoon,

Mai aksar tere sheher se hokar gujarta hoon,

Aur tere yaadon ke paani mein doob jata hoon

Darmiyaan

Yuhin krte krte zindagi-e-zaalim ke din kuch is kadar beet gaye,

unhone ye soch kr baat nahi ki ke hum rooth na jaye, aur hum, unke intezaar mein reh gaye

3286

Ye kya ho raha hai?

Meri taraf dekh usne koi sawaal kiya

Aur ab jawaab ki taak mein hai

Khaamosh poora jahan lag raha hai

Sab dheemein dheemein chalne lage

Uski, aankhon mein to dekhne ki himmat nahi

par uske haathon ko hum takne lage

Ek khyaal tabhi mann se hokar guzra

Khyaal, uski alaamat ka

Meri ruh ko vo cheer gaya

khyaal, uski ibadat ka

Par samjhaya iss pagle ko maine

Sab seemaein hum laag denge

Aur fir uski kalaiyon par

Jaa meri nazrein tiki

Jism to sun tha hi

ab jaa kar meri, dhadkane bhi ruki

Himmat kr jab uski aankhon mein maine dekha

Maujudagi ka mere mujhe ehsaas hua

Meri taraf dekh usne koi sawaal kiya

Aur ab jawaab ki taak mein hai

Mujhe meri maa ne bulaaya hai

Desh ka paigaam aaya hai,

Sarhad par hona hai humla,

Kon taiyaar hai, kon darpok,

Aaj ye raaz hai khulna,

Mujhe meri maa ne bulaaya hai.

Raunaq hai yahan,

Ghar mein jhum rahe hai sab,

Anjaan iss baat se,

Ke pralay hai kal,

Mujhe meri maa ne bulaaya hai.

Dekh raha hoon aaj sabko jee bhar ke,

Yaadein bator raha hai mann,

Par aise aur parivaaron ke lie,

Chal die mere kadam,

Mujhe meri maa ne bulaaya hai.

Kaise chupau apne pyaar se,

Ye unkahi si baatein,

Kaise kahu usse,

Shayad na ho poore har vaade,

Mujhe meri maa ne bulaaya hai.

Josh hai mujhe mein,

Junoon, fateh ka, sir par sawaar hai,

Aage badh kr ladne ko,

Aaj ye dil taiyaar hai,

Mujhe meri maa ne bulaaya hai.

Mujhe meri maa ne bulaaya hai.